Fûad Husên: Hejmarek welat ji dorpêça ser Kurdistanê dilgiran in
Serokê Dîwana Serokatiya Herêma Kurdistanê Fûad Husên ragihand, Papayê Vatîkanê şanda hikûmeta Herêma Kurdistanê vexwendiye û di civînê de behsa pêwendiyên di navbera Hewlêr û Bexdayê de hatiye kirin.
K24 – Navenda Nûçeyan
Serokê Dîwana Serokatiya Herêma Kurdistanê Fûad Husên ragihand, Papayê Vatîkanê şanda hikûmeta Herêma Kurdistanê vexwendiye û di civînê de behsa pêwendiyên di navbera Hewlêr û Bexdayê de hatiye kirin.
Fûad Husên ji K24ê re ragihand, ligel Papayê Vatîkanê behsa rewşa Xiristiyanên li Herêma Kurdistanê dimînin û karesatên mirovî yên bi serê wan hatine, hatiun kirin ku çawa Vatîkan dê bikare alîkariya gelê Kurdistanê bike.
Herweha Fûad Husên got jî, di civînê de behsa pêwendyên Hewlêr û bexdayê û çawaniya çareserkirina prisgirêkan bi riya destûrê re kirine.
Serokê Dîwana Serokatiya Herêma Kurdistanê amaje bi wê jî kir, “Di serdanên berê yên ji bo Parîs û Berlînê jî me behsa wê yekê kir ku Bexda dixwaze Herêma Kurdistanê ji cîhana derve bibire û heta ewên dixwazin bên Kurdistanê rêgiriyê li wan dikin. ev siyaset nayê qebûlkirin û welatên derve jî vê yekê bêzar bûne. Herwiha li dijî destûrê ye jî.
Îro Serokwezîrê Herêma Kurdistanê Nêçîrvan Barzanî û şanda pê re ligel Papayê Vatikanê Pope Francis civiya.
Şanda Herêma Kurdistanê ji Serokwezîr Nêçîrvan Barzanî, Serokê Dîwana Serokatiyê Fûad Hisên û Nûnerê Hikûmeta Herêma Kurdistanê li Îtalyayê Rêzan Qadir pêk tê.