Wezîrên Derve yê Amerîka û Rûsyayê rewşa Efrînê gotûbêjkirin.
Wezîrê Derve yê Amerîkayê Rex Tillerson û hevpostê wî yê Rûsyayê Sergey Lavrov di pêwendiyeke telefonî de rewşa dawî ya bajarê 'Efrînê û pêşhatên şer li wir gotubêjkirin.
K24 – Navenda Nûçeyan
Wezareta Derve ya Rûsyayê di beyanameyekê de ragihand ku, Wezîrê Derve yê Amerîkayê Rex Tillerson û hevpostê wî yê Rûsyayê Sergey Lavrov di pêwendiyeke telefonî de rewşa dawî ya bajarê 'Efrînê û pêşhatên şer li wir gotubêjkirin.
Herweha amadekariyên Civîna Viyênayê, ya ku biryar e di navbeyna hikumet û opozisyonê de, di 27 vê mehê de bi serpereştiya Netewên Yekgirtî birêve biçe, girtin dest. Kongreya Diyaloga Niştimanî ya Suriyê jî, ya ku biryar e di 29 û 30 vê mehê, li bajarê Soçî yê li Rûsyayê birêve biçê mijarek din a danûstandina wan bû.