YPGê gundên Şêx Xorz û Xelîl Gulko vegerandin
Li gor zanyariyên peymanêrê K24ê, ku ev 4 roj in êrîşa firokeyên şer ên Tirkiyê nebûne, lê topxaneya artêşa Tirkiyê li ser gundê Efrînê berdewam e û şervanên YPGê karîn hin gundan ji destê hêzên ser bi Tirkiyê derxin.
K24 – Navenda Nûçeyan
Li gor zanyariyên peymanêrê K24ê, ku ev 4 roj in êrîşa firokeyên şer ên Tirkiyê nebûne, lê topxaneya artêşa Tirkiyê li ser gundê Efrînê berdewam e û şervanên YPGê karîn hin gundan ji destê hêzên ser bi Tirkiyê derxin.
Hat ragihandin, şeva bûrî artêşa Tirkiyê her yek gundên Cela, Elemdara, Çeqmaqa yên navçeya Raco topbaran kir, ku topek li dibistana gundê Cela ket û beşek jê herifiya.
Li navçeya Cindirêsê Şervanên YPGê karîn tankekê ku li ser çiyayê Hesîrkê biteqînin û çekdarên ser bi artêşa Tirkiyê bi paş ve vekişiyan û li derdora girê Bîrqedarê yê nêzîkî sînorê Tirkiyê bicih bûn.
Artêşa Tirkiyê gundê Kefer Sefrê û Baflûrê topbaran dike û li derdora girê Bîrqedarê jî şerekî giran di navbera YPG û çekdarên ser bi Tirkiyê de berdewam e. jî
Yekîneyên Parastina Gel (YPG) di dawî daxuyaniya de raghandibû ku şervanên wê gundê Şêx Xorzê yê navçeya Bilbilê ji destê artêşa Tirkiyê û çekdarên opozîsyonê kontrol bikin û dest danin ser zirîpoşekê.
Herwiha li gundê Memila, Umera şer û pevçûn berdewam in û li gor YPGê diyar kiriye, ku gundê Xelîl Gulko ji destê çekdarên opozîsyona Sûriyê kontrol kiriye.