NATO serperiştiya peykerbendiya nû ya wezareta Pêşmerge dike
Helgur Hikmet: Niha 5 pakêcên serekî yên çaksaziya wezareta Pêşmerge amade ne û ew pênc pakêc wê bikevin warê bicîkirinê de.
K24 - Navenda Nûçeyan
Wezareta Pêşmerge, pênc pakêc ji bo çaksaziyê amade kiriye û Hevpeymana NATO serperiştiya peykerbendiya nû ya wezareta Pêşmerge dike.
Rêvbirê ragihandin û hişyariyê di wezareta Pêşmerge de Helgur Hikmet ji Kurdistan24ê re ragihand: "Piştî rêxistinê, wê peykerbendiya nû ya wezareta Pêşmerge di bin serperiştiya Hevpeymana NATO de be".
Helgur Hikmet got jî: "Niha 5 pakêcên serekî yên çaksaziya wezareta Pêşmerge amade ne û ew pênc pakêc wê bikevin warê bicîkirinê de".
Navhatî zelal kir ku: "Hevpeymana Navdewletî bixwe serperiştiya guhertinên wezaretê dike û hêvî heye, ku di pêşerojê de wezareteke din bê pêkanîn".