Amerîka: Îran li ser piştevanîkirina terorê li navçeyê berdewam e

K24 - Navenda Nûçeyan

Serokê Amerîka Donald Trump, li ser yasaya sepandina sizayên nû li dijî Îranê îmze kir û ragihand, ku ew amade ye rêketineke nû li gel Taranê bike.

Îdara Amerîkî ragihand, ku Îran li ser piştevanîkirina terorê li navçeyê û çêkirina tevliheviyê li Rojhilata Navîn berdewam e.

Diyar jî kir, ku sizayên nû bizaveke bihêz in ji bo qelskirina Îranê û biryar e sibe ji demjimêr 4ê sibehê ve ew sizayana bikevin warê bicîkirinê de.

Herwiha Îdara Amerîkî tekez kir, ku wan bereyek ji 20 welatan pêk aniye, daku armanca sizayan biser bixin û ewê bizavan bikin, daku perpêdanê ji ser Îranê bibirrin.

Derbarê xwepêşandanên xelkê Îranê û bandora wan sizayan li ser welatiyan, Hikûmeta Amerîkî tekez kir, ku piştevaniya maf û daxwazên gelê Îranê dike.          

N.O