Amerîka: Qasim Silêmanî sedema kêşeyên navçeyê ye
Artêşa Amerîka: Qasim Silêmanî û Feyleqa Qudisê ya ser bi Supaya Pasdaran a Îranê ve, sedemên serekî yên nearamî û têkçûna rewşa navçeyê ne, bi taybet li Sûrya, Iraq, Behrên û Yemenê.
K24 - Navenda Nûçeyan.
Fermandarê Fermandeya Navendî ya Artêşa Amrîka Joseph Votel ragihand, ku fermandarê Feyleqa Qudsê ya ser bi Supaya Pasdaran a Îranê ve (Qasim Silêmanî) roleke sereke di têkdan û alozkirina rewşa navçeyê de dilîze.
Ceneral Joseph Votel li ser Twitter a xwe nivîsiye, ku Qasim Silêmanî û Feyleqa Qudisê ya ser bi Supaya Pasdaran a Îranê ve, sedemên serekî yên nearamî û têkçûna rewşa navçeyê ne, bi taybet li Sûrya, Iraq, Behrên û Yemenê.
Votel di wê nivîsa xwe de gotiye: Reftarên Qasil Silêmanî, ewlehiya navçeyê têk didin û ziyanê li berjewendiyên xelkê Îranê dikin.
N.O