Hewramî: PDK dixwaze rûpeleke nû bi Goranê re veke

K24 – Navenda Nûçeyan

Endamê Serkirdatiya Partiya Demokrat a Kurdistanê (PDK) Hêmin Hewramî ragihand, PDK dixwaze rûpeleke nû bi Tevgera Goranê re veke.

Endamê Serkirdatiyê û Serokê Lîsta PDKê bo hilbijartinên parlemantoya Kurdistanê Hêmin Hewramî ji K24ê re ragihand, pêwendiyên PDK û YNKê berdewam dibin. Herwiha PDK dixwaze rûpeleke nû bi Tevgera Goranê re veke pirsgirêkên berê çareser bike.

Hewramî got: “Xalên hevbeş di navbera me û hemû aliyan de zêdetir in ji xalên nakok. Kurdistan, niştîman, parastin û aramiya Kurdistanê xalên hevbeş in, yên din makokiyên siyasî ne û hilbijartin baştirîn derfet e ku di nava parlemanto de nakokiyên siyasî çareser bikin,.”

Ev daxuyaniya Hewramî di demekê de ye, roja 4ê vê mehê şandeke bilind a PDK serdana Mekoya (Baregeh) sereke a Tevgera Goranê li bajarê Silêmaniyê kir û pirsa birêvebirina hilbijartinan gotûbêj kir.

Di civînê de, Tevgera Goranê nîgeraniya xwe ji sextekariya di projeya hilbijartinê de derbirî û bi aşkere daxwaz kir, di vê şert û mercê de hilbijartin nebin.

S. B