Parezgeha Neynewa: Serederiyê tenê ligel Qeymeqamê şer'î yê Şingalê dikin
Serokê Civata Parêzgeha Neynewa tekez dike, ku ew serderiyê ligel Hikûmeta Xwecihî ya niha li Şingalê nakin û ti aliyek li Civatê jî, piştevaniya wê nake
K24 – Navenda Nûçeyan
Serokê Civata Parêzgeha Neynewa tekez dike, ku ew serderiyê ligel Hikûmeta Xwecihî ya niha li Şingalê nakin û ti aliyek li Civatê jî, piştevaniya wê nake.
Serokê Civata Parêzgeha Neynewa Sîdo Çeto ragihand, ku hin aliyên nerewa Hikûmetek Xwecihî li Şingalê pêkanîn e, û ev kar jî nayê qebûlkirin û ti aliyek fermî piştevaniyê lê nake.
Got jî, her belgenameyek ji aliyê wê Hikûmeta nerewa ve bê îmzekirin, ew dê wan belgenameyan saxte hesab bikin û ti aliyek serderiyê ligel nake. Tekez jî kir, ku pirsa Şingalê pirsek aloz û navdewletî ye. Amaje bi wê yekê kir, nêzîk 300 hezar rûniştvanên Şingalê heta niha dinav kampan de dijin û venagerin nav mal û milkên xwe.
Berî niha jî Parêzgarê Neynewa Newfel Hemadî ragihandibû, ku li cem wan Mehma Xelîl Qaymiqamê şer'î yê Şingalê ye û serderiyê ligel ti kesek din nakin.
C.B
