DAIŞê êrîşî gundekî Kerkûk kir
Peyamnêrê K24ê li Germiyanê da zanîn, şeva bûrî çekdarên DAIŞê êrîşî ser gundekî Qeretepe yê li başûrê Kerkûkê kirin û ew dorpêç kirin û xelkê gundî berevanî li xwe kirin.
K24 – Navenda Nûçeyan
Peyamnêrê K24ê li Germiyanê da zanîn, şeva bûrî çekdarên DAIŞê êrîşî ser gundekî Qeretepe yê li başûrê Kerkûkê kirin û ew dorpêç kirin û xelkê gundî berevanî li xwe kirin.
Di wê derbarê de, Berpirsê Komîta YNKê li Qeretepe Mehmûd Omer ji K24ê re ragihand, çekdarên DAIŞê êrîşî ser gundê Sêf Seid kirin û dorpêç kirin û çendîn guleyên RBGê avêtinê û şer destpê kir, piştî berevaniya gundiyan, gundiyan karîn êrîşa DAIŞê bişkînin.
Derbarê ziyanên êrîşê jî Mehmûd Omer got, welatiyekî gund ê bi navê Xezwan Qadir Elawî birîndar bû û kesekî din jî winda ye û tê gûmankirin ji aliyê çekdarên DAIŞê ve hatibe revandin.
Qeretepe navçeyeke Kurdistanî li başûrê Kerkûkê ye û ser bi parêzgeha Diyala ve ye, ji bilî Kurdan, Ereb û Tirkmen jî lê hene.
S. B
