Helbûsî: Çareserkirina rewşa Kerkûkê bi hevhengiya Pêşmerge û hêzên Iraqê ve girêdayî ye
Serokê Parlemantoya Iraqê Mihemed Helbûsî careserkirina rewşa Kerkûkê bi pêkanîna hêzekê ji pêkhateyên bajêr û bi piştevaniya Pêşmerge û hêzên Iraqê ve girê dide.
K24 – Navenda Nûçeyan
Serokê Parlemantoya Iraqê Mihemed Helbûsî careserkirina rewşa Kerkûkê bi pêkanîna hêzekê ji pêkhateyên bajêr û bi piştevaniya Pêşmerge û hêzên Iraqê ve girê dide.
Mihemed Helbûsî li Washingtonê di konferanseke rojnamevanî de bersiva pirseke peyamnêr K24ê da û ragihand, divê hevahengiya me û Herêma Kurdistanê berdewam be ji bo çareserkirina pirsgirêka Kerkûkê û pêwîstî dosya ewlehiyê ji bo hêzeke navxweyî ji pêkhateyên cuda ên bajêr bê dayîn.
Ragihand jî, divê ligel vê jî Pêşmerge û hêzên ewlehiyê yên Iraqê piştevaniya Kerkûk û wê hêza nvxweyî bikin.
Helbûsî pêwendiyên di navbera Hewlêr û Bexdayê bi baş dizane û dibêje: “Niha keşûhewaya siyasî ya di navbera Herêma Kurdistanê û Bexdayê de gelekî libar e û divê gavên kirdarî bên avêtin.”
Serokê Parlemantoya Iraqê Mihemed Helbûsî çend roj in li Amerîka ye û hejmarek dîdar û simînarên siyasî encam dane û daxwaz ji Washingtonê kir derfet sê salan bidin Iraqê heta ku bikare serbixwe bibe û pişta xwe ji bo kehrebe û enerjiyê ve bi Îranê ve girê nede.
S. B