Hazim Mîr Tehsîn Beg bû Mîrê Êzidiyan
Îro 27. 07. 2019 li perestgeha Laleş li qezaya Şêxan di rêûresmekê de Hazim Mîr Tehsîn Beg wek mîrê nû yê Êzidiyan û Serokê Encûmena Rûhanî ya Êzidiyan hat destnîşankirin û sûnda olî xwar.
K24 – Navenda Nûçeyan
Îro 27. 07. 2019 li perestgeha Laleş li qezaya Şêxan di rêûresmekê de Hazim Mîr Tehsîn Beg wek mîrê nû yê Êzidiyan û Serokê Encûmena Rûhanî ya Êzidiyan hat destnîşankirin û sûnda olî xwar.
Mîrê nû yê Êzidiyan di gotarekê de ragihand, “Bi kesayetên olî û rewşenbîrî yên Êzidiyan me karî bigihin vê rojê, ji îro ve wek mîr di xizmeta Êzidiyan de dibim û encûmenekê dadimezrînin û zêdetir ji ji sedî 60 ji Êzidiyên Şingalê lixwe digire.”
Herwiha got: “Pêwendiyên me bi pêkhateyên din re baştir dikin û bi Hikûmeta Herêma Kurdistanê re kar ji bo avedankirin û xizmeta zêdetir ji navçeyên Êzidîxanê re dikin.”
Mîr Hazim Tehsîn Beg spasiya Serok Barzanî, Serokê Herêma Kurdistanê Nêçîrvan Barzanî, Serokwezîr Mesrûr Barzanî û hemû kesên ku rola wan hebû di çareserkirina pirsgirêka mîrîtiya Êzidiyan de hebû kir û û spasiya tevahiya xelkê Kurdisyanê kir û daxwaz ji xwedêyê mezin kirk u Êzidiyan biparêze.
Hazim kurê Mîr Tehsîn Beg e û sala 1963an li devera Baedrê jidayik bûye û ji sala 1989an ve wek Wekîlê Mîr bû.
Roja 28ê Çileya 2019an, Mîrê Êzidiyan li Kurdistan û Cîhanê Mîr Tehsîn Beg li Almanyayê koça dawiyê kiribû, ji wê demê ve jî guftûgo ji diyarkirina mîrê nû dihatin kirin û îro Hazim Mîr Tehsîn Beg di rêûresmeke taybet bû Mîrê Êzidiyan.
S. B