Nêçîrvan Barzanî û Trump li Davos civiyan

K24 – Navenda Nûçeyan

Serokê Herêma Kurdistanê Nêçîrvan Barzanî di roja duyem a Korbenda Abûriya Cîhanê li Davos bi Serokê Amerîka Donald Trump re civiya.

Serokê Herêma Kurdistanê Nêçîrvan Barzanî xweşhaliya xwe bi civîna Serokê Amerîka Donald Trump re derbirî û spasiya piştevaniya Amerîka ya berdewam kir.

Ji aliyê xwe ve, Serokê Amerîka ragihand, wan xîlafeta DAIŞê şikandin û ewlehiya navçeyê jî diparêzin.

Roja 21.1.2020an karên 50emîn Korbenda Aboriya Cîhanê li Davosê destpê kir, ku tê de 224 panel û hevdîtin û civînên fermî encam didin û 774 beşdar jî gotaran pêşkêş dikin, yan di panelan de amade dibin.

Li Davosê, îsal 7 pirsên cîhanî tên guftûgokirin, germbûna zemînê, sedemên şewitandina beşek ji daristanên Austiralya û Amazonê, aloziyên di navbera Amerîka û Îranê girîngtirîn pirsên Korbandê dibin.

Korbenda Aboriya Cîhanê li Davosê, ji aliyê Klaus Schwab ve di sala 1971an hat damezirandin û salane birêve diçe.

S. B