Şandeke kesayetiyên bakurê Kurdistanê sardana Perlemana Kurdistanê kir
Şandek ji siyasetmedar, nivîskar û kesayetiyên bakurê Kurdistanê bi nûnertiya 500 kesayetiyên bakurê Kurdistanê bi armanca şermezarkirina êrîşa PKKê li ser Herêma Kurdistanê sardana Perlemana Kurdistanê kirin.
Navenda Nûçeyan (K24) – Şandek ji siyasetmedar, nivîskar û kesayetiyên bakurê Kurdistanê bi nûnertiya 500 kesayetiyên bakurê Kurdistanê bi armanca şermezarkirina êrîşa PKKê li ser Herêma Kurdistanê sardana Perlemana Kurdistanê kir.
Şanda siyasetmedar, nivîskar û kesayetiyên bakurê Kurdistanê li pêş Perlemana Kurdistanê daxuyaniyek da û daxwaz ji PKKê kirin ku statuya destûrî ya Herêma Kurdistanê qebûl bikin û wek salên nodan nekin.
Herwiha daxwaz ji aliyên siyasî yên başûrê Kurdistanê kirin, derbarê êrîşên PKKê de bêdeng nemînin û rê ne din ev perçeyê azad a Kurdistanê bê armanckirin.
Pêştir nêzîkî siyasetmedar, nivîskar, akadmesyen û rewşenbîrên kurd ên bakurê Kurdistanê bang li PKKê dikin ku serwerîya Rêvebirîya Herêma Kurdistanê nas bike. Herwiha divê PKK bi çalakîyên xwe û helwestên xwe yên sîyasî rê ji êrîş û midaxaleyên dewletên mêtingehkar ên li ser Başûrê Kurdistanê re xweştir neke û divê hemû pirsgirêk bi rêya dîyalogê û bi hevdu dîtinan bêne çareser kirin.
Serokê şandê Îbrahîm Guçlu derbarê sardana şandê de ji K24ê re got: “500 siyasetmedar, nivîskar, hunermend û kesayetiyên bakurê Kurdistanê xwastin nerîna xwe pêşkêşî Perlemana Kurdistanê û Serokatiya Kurdistanê bikin.
Got jî: “PKK roj bi roj xeteriyê li ser Herêma Kurdistanê dirust dike û desthilat û serweriya Kurdistanê binpê dike.”
Got jî: “Welatên kolonyalist ji ber yasayên navdewletî, heger PKK nebe nikarin êrîşî başûrê Kurdistanê bikin. Ji ber wê hebûna PKKê bû sedem ku Tirkiye herêmeke mezin ji başûrê Kurdistanê dagîr bike.”