Şaciwana Maksîkê nasnava Şaciwana Gerdûnê bi dest xist
Şaciwana Brezîlyayê Julia Gama ya duyemîn, Şaciwana Perû Yannick Masita jî ya sêyemîn bi dest xist.
Navenda Nûçeyan (K24) – Di pêşbirka Şaciwana Gerdûnê ya ji bo sala 2020an de, Şaciwana Maksîkê nasnava Şaciwana Gerdûnê bi dest xist.
Merasîma hilbijartina Şaciwana Gerdûnê ji nava şaciwanên welatan li wîlayeta Florîda ya Amerîka hate lidarxistin û tê de nêzîkî 100 şaciwanên welatan amade bûn.
Di encamê de Şaciwana Maksîkê Andrea Meza nasnava 69emîn a Şaciwana Gerdûnê bi dest xist û Şaciwana Gerdûnê ya 68emîn Zozibini Tunzi taca şaciwaniyê danî ser serê Andrea.
Mesa weke bernamevan dixebite, destekê dide tûrîzma li Chihuahua û li dijî tundiya li ser bingeha zayendî parêzvaniyê dike.
Şaciwana Brezîlyayê Julia Gama pileya duyem û Şaciwana Perû Yannick Masita jî pileya sêyemîn bi dest xistin.
