Nêçîrvan Barzanî vegeriya Herêma Kurdistanê
Serokê Herêma Kurdistanê piştî serdana xwe ya fermî ya Îranê û hevdîtinên bi rayedarên payebilind ên wî welatî, vegeriya Herêma Kurdistanê.
Hewlêr (K24) – Serokê Herêma Kurdistanê Nêçîrvan Barzanî piştî serdana xwe ya fermî ya Îranê û hevdîtinên bi rayedarên payebilind ên wî welatî, vegeriya Herêma Kurdistanê.
Piştî ku duh pêncşemê 5ê Tebaxa 2021ê Serokê Herêma Kurdistanê Nêçîrvan Barzanî bi serdaneke fermî gihîşte Tehrana paytexta Îranê û beşdariya rêwresma sondxwarina birêz Serok Komarê Îranê kir, îro jî ligel Serokomar û Serokê Encumena Şûraya Îslamî ya Îranê civiya, êvara îro vegeriya Herêma Kurdistanê.
Di civînan de Seroka Parlemena Kurdistanê Rêwaz Fayiq û şanda ligel Serokê Herêma Kurdistanê Nêçîrvan Barzanî beşdar bûn ku ji Serokê Dîwana Serokayetiya Herêma Kurdistanê, Wezîrê Ewqaf û Karubarê Olî, Wezîrê Rewşenbîrî û Lawan û Wezîrê Kar û Karubarê Civakî pêk hatibû.