Vîdeo – Talîban li mala Cîgirê Serokê berê yê Efxanistanê gencîneyek dît
Hêzên Tevgera Talîbanê li mala Cîgirê Serokê berê yê Efxanistanê Emrullah Salih şeş milyon dolar û 15 qalib zêr dîtin.
Navenda Nûçeyan (K24) – Hêzên Tevgera Talîbanê li mala Cîgirê Serokê berê yê Efxanistanê Emrullah Salih şeş milyon dolar û 15 qalib zêr dîtin.
Emrullah Salih yek ji neyarên dijwar ên Talîbanê bû û beriya ku ji Kabulê bireve, ragihandibû ku "bi ti awayî ligel terorîstên Talîbanê li ser maseyê nacive".
Piştî ji Kabulê reviya, xwe gihande Pencşîrê û li wir xwe weke Serokê Efxanistanê yê bi wekalet nasand û piştî ku Pencşîr ji aliyê Talîbanê ve hat kontrolkirin, hat îdiakirin ku Emrullah Salih reviyaye Tacikistanê.
Ajansa Xame Press a Efxanî ragihandiye; li mala Emrullah Salih 6 milyon dolar û 15 qalib zêr hatin dîtin.
Li ser serweta ku li mala wî hatiye dîtin, Emrullah Salih hêj zanyariyek eşkere nekiriye.
