Şanda Parlamentoya Kurdistanê li Fransayê ye
Lijneya Yasayê ya Parlamentoya Kurdistanê serdana Parlamanetoya Fransayê dike.
Hewlêr (K24) – Serokê Lijneya Yasayê ya Parlamentoya Kurdistanê Bijar Koçer îro sêşemê 14ê Îlona 2021ê ragihand; piştî zêdebûna vîrusa Koronayê, Lijneya Yasayê yekem şand e ku diçe Fransayê û serdana Koşka Parlamentoyê dike.
Bijar Koçer diyar kir: “Şanda Lijneya Yasayê ya Parlamentoya Kurdistanê ji bo encamdana çend civînên fermî ligel Lijneya Yasayê ya Parlamanetoya Fransayê (Encûmena Niştimanî) û çend parlamenter û şêwirmendên Parlamentoya Fransayê li Parîsê ye.”
Koçer eşkere kir: “Roja duşemê Lijneya Yasayê ya Parlamentoya Kurdistanê civînek ligel Serokê Lijneya Yasayê ya Parlamentoya Fransayê û Serokê Dosyeya Iraqê û Fransayê encam da.”
Serokê Lijneya Yasayê ya Parlamentoya Kurdistanê destnîşan kir ku bi rêye tîmeke taybet a Parlamentoya Fransayê, roja duşemê Lijneya Yasayê ya Parlamentoya Kurdistanê serdana Koşka Serokê Parlamentoya Fransayê kir.
Bijar Koçer diyar kir ku piştî belavbûna vîrusa Koronayê yekem car e Lijneya Yasayê ya Parlamentoya Kurdistanê weke şandeke Parlamentoya Kurdistanê diçe wê koşkê.
Koçer eşkere kir; biryar e îro Lijneya Yasayê ya Parlamentoya Kurdistanê çend civînan encam bide û ligel hejmarek parlamenter û şêwirmendên Parlamentoya Fransayê gotûbêj bike.
