Parêzgarê Hewlêrê silavên Serokwezîr gihande xelkê Diyarbekirê
Herêma Kurdistanê beşdarî 1emîn Pêşangeha Geştyarî û Gastronomî ya Mezopotamyayê ya li Diyarbekirê bû.
Hewlêr (K24) – Herêma Kurdistanê beşdarî 1emîn Pêşangeha Geştyarî û Gastronomî ya Mezopotamyayê ya li Diyarbekirê bû û Parêzgarê Hewlêrê di gotarekê de ragihand; gelek girîng e ku bi rêya geştyariyê Herêma Kurdistanê bibe pirek di navbera gel û neteweyên navçeyê de.
Şanda Hikûmeta Herêma Kurdistanê bi serokatiya Parêzgarê Hewlêrê Omêd Xoşnaw û Serokê Jûra Bazirganî û Pîşesaziyê Dara Celîl Xeyat beşdarî 1emîn Pêşangeha Geştyarî û Gastronomî ya Mezopotamyayê ya li Diyarbekirê bûn.
Parêzgarê Hewlêrê di axaftina xwe de silav û rêzên Serokwezîrê Herêma Kurdistanê gihande xelkê Diyarbekirê û pîrozbahiya cejna Newrozê kir û hêvî xwest ev cejn bibe sedema berqerarbûna aştî û amariyê li navçeyê.
Omêd Xoşnaw destnîşan kir ku geştyarî yek ji mijarên girîng ên aboriyê ye di bernameya Kabîneya Nehem a Hikûmeta Herêma Kurdistanê de.
Parêzgarê Hewlêrê tekez kir ku gelek girîng e bi rêya geştyariyê Herêma Kurdistanê bibe pirek di navbera gel û neteweyên navçeyê de.
