Baranê deriyên dibistanên Şirnex û Colemêrgê girtin

Navenda Nûçeyan (K24) – Li Şirnex û Colemêrgê ji ber barana bihêz, betlane bo dibistanan hate ragihandin.

Rêveberiya Perwerdehiyê ya Şirnexê û ragihand, ji ber egera baraneke bihêz îro betlane bo dibistanan hatiye ragihandin. Herwiha îcaze bo kesên nivîşkan û xwedî pêdiviyên taybet ên li dezgehên hikûmî kar dikin, hatiye dayîn.

Li bajarê Colemêrgê jî baraneka zêde barî û ava baranê li çendîn kolan kom bû û derbasî hina malan bû. Parêzgeha Colemêrgê jî betlane bo dibistanan ragihand.

Her wiha ji ber hatina herî û paşmayên lehiyê bi riya Wan û Colemêrgê de û ji ber barîna berfê jî riya Wan û Mîksê, di çarçoveya rêkar û bergiriyan de hatine girtin.