Agirê li darisatanên Antalyayê 4 roj in venemiriye

Navenda Nûçeyan (K24) – Agirê ku li darisatanên Antalyayê ketiye, tevî hemû hewlan, ev çar roj in nehatiye vemirandin.

Li bajarokê Kemerê yê Antalyayê ku navçeyeke geştiyariyê ye, roja Duşemê agir bi daristanê ketibû û ev çar roj in digel hemû hewlên tîmên agirkûjiyê û ewlekariyê agir nehatiye kontrolkirin.

10 balafir, 27 helîkopter û nêzikê 100 wesaît û 654 karmendên agirkûjiyê di xebatên vemirandina agirî de cih digrin.

Herwiha Wezareta Rewşên Awarte ya Rûsyayê jî ragihand, du balafirên wan beşdarê xebatên vemirandina agirê li Kemerê dibin.