Kitêbên Serok Barzanî ku bo zimanê Ingilîzî hatine wergerandin xelatên cîhanî werdigirin

Navenda Nûçeyan (K24) - Ew kitêbên Serok Barzanî yên ku ji bo zimanê Ingilîzî hatine wergerandin û herwesa ew kitêbên li ser Serok Barzanî jî hatine nivîsîn di pêşbirkêyan de xelatên baştirîn kitêb werdigirin, yek ji wan kitêban jî kitêba Barzanî û Tevgera Rizgarîxwaziya Kurd, Şoreşa Gulanê, Pişka Çarê ye ku ji aliyê nivîserekî Kurd ve ji bo ser zimanê Ingilîzî hatiye wergerandin.

Nivîser û wergerê Kurd Davan Yehya Xelîl ku şêniyê Brîtanyayê ye kitêba Barzanî û Tevgera Rizgarîxwaziya Kurd, Şoreşa Gulanê, Pişka Çarê ji zimanê Kurdî wergerandiye ser zimanê Ingilîzî, herwesa kitêbeke din jî bi navê Serok Barzanî û Referandum nivîsiye û amade kiriye.

Nivîsîna li ser Kurd, Kurdistan û Serok Barzanî şansê nivîseran zêdetir dike ku di pêşbirkêyan de baştirîn xelat werbigirin. Kitêba Barzanî û Tevgera Rizgarîxwaziya Kurd, Şoreşa Gulanê, Pişka Çarê di yek ji pêşbirkêyan de xelata baştirîn kitêba duyê wergirtiye, herwesa kitêba Barzanî û Referandum jî xelata baştirîn kitêb wergirtiye.

Davan Yehya Xelîl kitêba Barzanî û Tevgera Rizgarîxwaziya Kurd, Şoreşa Gulanê, Pişka Çarê di helkeftên siyasî de parve dike, ku mora xelata baştirîn kitêba duyê di nav yek milyon kitêban de di pêşbirkêyeke cîhanî de li ser wê ye.

Davan Yehya Xelîl ji K24ê re got ku, çend kitêbên Serok Barzanî ji bo ser zimanê Ingilîzî wergerandine û niyet heye ku çend kitêbên din jî wergerîne ser zimanê Ingilîzî. Herwesa got, “Kitêbên Serok Barzanî yên ku ji bo ser zimanê Ingilîzî hatine wergerandin niha li seranserî cîhanê xwendevanên xwe hene û li Amazonê berdest in û xwendevanên Kurd û yên biyanî bi dest xwe dixin û feydeyî jê werdigirin.”