Sûdanî kuştina Waliyê DAIŞê li Îraq û Sûriyeyê ragehand
Navenda Nûçeyan (K24) - Serokwezîrê Îraqê kuştina Waliyê DAIŞê li Îraq û Sûriyeyê radigehîne û dibêje, “Kuştina navbirî bi piroseyeke hevpar a navbera hêzên ewlehiyê yên Îraqê û Hevpeymaniya Navdewletî bû.”
Serokwezîrê Îraqê Mihemed Şiya Sûdanî îro (În, 14.03.2025) li ser tora civakî ya Xê kuştina Waliyê DAIŞê li Îraq û Sûriyeyê Ebdula Mekî, ku wekî Ebû Xedîce tê naskirin, ragehand.
Sûdanî amaje jî da, “Kuştina Ebdula Mekî di operasyoneke hevpar de û bi hevahengiya navbera hêzên ewlehiyê û Hewalgiriya Îraqê û Fermandariya Operasyonên Hevpar û Hêzên Hevpeymaniya Navdewletî bû.”
Navbirî eşkere jî kir, “Mekî wekî Cîgirê Cihnişîn postê Waliyê DAIŞê li Îraq û Sûriyeyê bi rê ve biriye û herwesa Berpirsê Lijneya Destûrdayî û Berpirsê Nivîsîngehên Operasyonên Derve bû.”
Serokwezîrê Îraqê tekez jî kir, “Mekî yek ji bitirstirîn û metirsîdartirîn teroristên Îraqê û cîhanê bû.”
Ebdula Mekî Muslih Refîî li roja 09ê Xizîrana 2023ê ji aliyê Amerîkayê ve li ser lîsta terorê hat zêdekirin.
يواصل العراقيون انتصاراتهم المبهرة على قوى الظلام والإرهاب، حيث تمكن أبطال جهاز المخابرات الوطني العراقي، بإسناد وتنسيق من قيادة العمليات المشتركة وقوات التحالف الدولي، من قتل الإرهابي عبد الله مكي مصلح الرفيعي المكنى (أبو خديجة) الذي يشغل منصب ما يسمّى (نائب الخليفة وهو الذي…
— محمد شياع السوداني (@mohamedshia) March 14, 2025