Tê pêşbînîkirin îsal li parêzgeha Sineyê zêdetirî milyonek ton genim were berhemanîn
Navenda Nûçeyan (K24) – Serperiştê Kompanyaya Dexl û Xizmetguzariyên Bazirganî ya Parêzgeha Sineyê Mûsa Artin ragihand, cotkarên parêzgehê îsal 476 hezar ton genimê zêdeyî pêdiviya xwe radestî navendên kirînê kirine.
Mûsa Artin îro 24ê Tîrmeha 2025an, di daxuyaniyekê de ji bo Ajansa “IRNA” diyar kir, nirxê genimê ku heta niha hatiye kirîn digihîje 97 hezar milyar Tumen û got: "Ji tevahiya genimê ku hatiye kirîn, heta niha 452 hezar û 570 ton di sîstema navendên kirîna genim de hatiye tomarkirin."
Artin herwiha behsa rêjeya genimê kirî li gorî navçeyên parêzgehê kir û ev hejmar parve kirin:
Bîcar: 128 hezar û 632 ton
Seqiz: 91 hezar û 772 ton
Qurwe: 89 hezar û 598 ton
Dêgulan: 69 hezar û 26 ton
Kamyaran: 42 hezar û 622 ton
Dîwandere: 37 hezar û 71 ton
Sine: 9 hezar û 683 ton
Bane: 3 hezar û 754 ton
Merîwan: 3 hezar û 102 ton
Sewlawa: 754 ton
Derbarê şandina genim bo parêzgehên din, Mûsa Artهn got: "Heta niha 140 hezar ton genimê ku ji pêdiviya parêzgehê zêdetir e, ji bo parêzgehên din ên welêt ên wekî Tehran, Tewrêz, Elburz, Qum, Îsfehan, Geylan, Mazenderan, Yezd û Çarmehal û Bextiyarî hatiye şandin."
Tê payîn ku îsal li parêzgeha Sineyê zêdetirî yek milyon ton genim bê berhemanîn û ji vê rêjeyê jî nêzîkî 880 hezar ton radestî navendên kirînê yên dewletê bê kirin.
