Mersûr Barzanî û Konsula Amerîkayê xurtkirina peywendiyên Kurdistan û Amerîkayê tekez dikin

Navenda Nûçeyan (K24) – Serokê Hikûmeta Herêma Kurdistanê Mesrûr Barzanî pêşwazî li Konsula Giştî ya Amerîkayê kir, û her du aliyan di civînê de tekez li ser çalakkirina Parlamentoya Herêma Kurdistanê û pêkanîna kabîneya nû ya Hikûmeta Herêma Kurdistanê kir.

Serokê Hikûmeta Herêma Kurdistanê Mesrûr Barzanî piştî nîvroya îro Sêşemê, 13ê Cotmeha 2026ê, pêşwazî li Konsula Giştî ya Amerîkayê li Herêma Kurdistanê Gwendolyn (Wendy) Green kir.

Di wê hevdîtinê de, danûstandin li ser rewşa giştî ya Herêma Kurdistanê, Îraqê û deverê hatin kirin.

Her du alî li ser giringiya parastina ewlehî û tenahiya Herêma Kurdistanê û xurtkirina peywendî, dostanî û hevpeymaniya navbera Herêma Kurdistanê û Amerîkayê hevnerîn bûn, bi taybetî pêşxistina di warê bazirganî û zêdetir berfirehtirkirina veberhênana kompaniyên Amerîkayî li Herêma Kurdistanê.

Herwesa tekez li ser pêdivîtiya çalakkirina Parlamentoya Kurdistanê û pêkanîna kabîneya nû ya Hikûmeta Herêma Kurdistanê jî hate kirin.

Di pareka dî ya danûstandinan de, peywendiyên Herêma Kurdistanê û Hikûmeta Federal û giringiya çareserkirina arîşeyan li ser bingeha destûrî, parastin û rêzgrirtina li qewareya destûrî, mafên darayî û terxankirina pişka budceya Herêma Kurdistanê bi rengekê dadperwerane hatin nîqaşkirin.