تەقینەوەیەك لە بەغدا روویدا

K24 – ھەولێر

كەمێك پێش ئێستا تەقینەوەیەك لە ناوچەی جەمیلەی رۆژھەڵاتی بەغدا روویدا.

بە گوێرەی زانیارییە سەرەتاییەكان تەقینەوەكە لە رێگەی ئۆتۆمبێلێكی بۆمبڕێڕێژكراو ئەنجامدراوە و ژمارەیەك كەس بەو ھۆیەوە بوونەتە قوربانی.

فەرماندەیی ئۆپەراسیۆنەكانی بەغدا رایگەیاند، لە ئەنجامی تەقینەوەی ئۆتۆمبێلێكی بۆمبڕێژكراو لە گەڕەكی جەمیلەی ناوچەی سەدر لە رۆژھەڵاتی بەغدا 22  كەس كوژران و 50  كەسیش بریندار بوون.

چەند ساتێك دوای تەقینەوەكە رێكخراوی داعش، بەرپرسیاریەتی خۆی لە تەقینەوەكە راگەیاند.

ئەمە لە كاتێكدایە لە چەند رۆژی رابردوودا چەند تەقینەوەیەكی دیكە لە بەغدا روویاندا، دوو رۆژلەمەوبەر تەقینەوەیەك له‌ گه‌ڕه‌كی شوعله‌، له‌ نزیك بازاڕێكی میللی روویدا و به‌هۆیه‌وه‌ 3 كه‌س كوژران و 4 دیكه‌ش بریندارن.

ھەر لە ھەفتەی رابردوو لە 5 كانوونی دووه‌م/ یه‌نایه‌ری 2017، ته‌قینه‌وه‌یه‌ك له‌ ناوه‌ڕاستی به‌غدای پایته‌ختی عێراق روویدا و به‌هۆیه‌وه‌ 9 كه‌سی دیكه‌ كوژران و برینداربوون و هه‌ندێك له‌ سایته‌ عێراقییه‌كانیش ئاماژه‌ به‌وه‌ ده‌كه‌ن، هه‌موو رۆژێك ته‌قینه‌وه‌ لە به‌غدا رووده‌ده‌ن.