کۆبوونەوەیەکی بەپەلە لە ریال مەدریدەوە لەبارەی چارەنووسی لۆپیتێخی

جولیان لۆپیتێخی دوای شکستەکەیان لە کلاسیکۆ، لە ژووری جلگۆڕین لە یاریگەی کامپ نوو ماڵئاوایی لە یاریزانەکانی کردووە و چاوەڕێ دەکرێت لە چەند کاتژمێرێ داهاتوو ریال مەدرید بەفەرمی ئەو راهێنەرە ئیسپانییە دووربخاتەوە.
رۆژنامەکانی مارکا و ئاسی ئیسپانی ئاشکرایانکردووە، ئەمشەو کاتژمێر هەشت کارگێڕانی ریال مەدرید کۆدەبنەوە و بڕیاری لەسەر دوورخستنەوەی لۆپیتێخی دەدەن، تەنانت خوودی لۆپیتێخیش دەزانێت چیدیکە راهێنەرایەتی یانەکە ناکاتەوە و سێ مانگ دوای دوورخرانەوەی لە راهێنەرایەتی هەڵبژاردەی ئیسپانیا، ئەمجارەیان لە راهێنەرایەتی ریال مەدرید دوور دەخرێتەوە.
بەگوێرەی سەرچاوەی میدیاکانی ئیسپانیا، ئەنتۆنیۆ کۆنتی و سانتیاگۆ سۆلاری بەبرژێری سەرەکین بۆ ئەوەی شوێنی لۆپیتێخی بگرنەوە و رۆژی چوارشەممە یاریی ریال مەدرید لە جامی شای ئیسپانیا بەڕێوە ببەن.
لۆپیتێخی لە ماوەی 120 رۆژدا، شەش بردنەوە و دوو بەرامبەربوون و شەش دۆڕانی تۆمارکرد.