روونکردنەوەیەك لە هاتووچۆی هەولێرەوە

K24- هەولێر:

لە راگەیەندراوێكدا بەڕێوەبەرایەتی هاتوچۆی هەولێر رێنمایی دەداتە ئەو كەس و لایەنانەی كە رێگەپێدانی مەرجدار دەیانگرێتەوە و هۆشداری دەدات، "هەر كەسێك پابەندی رێنماییەكان نەبێت، رووبەڕووی سزای یاسایی دەبێتەوە".

دەقی راگەیەندراوەكە:

ئەمڕۆ لەسەر بڕیاری بەڕێز پارێزگار، رێگە بە هەندێك ئوتومبێل درا، کە قەدەغەی هاتووچۆ بشکێنن، ئەوانیش بریتین لە ئوتومبێلی هەندێك فەرمانگەی خزمەتگوزاری و هەندێك کۆمپانیای وەك کۆمپانیاکانی خۆراك و هاوشێوەكانیان.

پێشتریش رێگە بە ئەفسەر و کارمەندی هێزە ئەمنیەکان، کارمەندانی تەندروستی، راگەیاندنەکان، کۆمپانیای نەوت و کۆمپانیاکانی گەیاندن وەك کۆڕەك و ئاسیا سێل درابوو، کە بۆ راپەڕاندنی کارەکانیان لە دەرەوە بن.

بەڵام ئەم رێگەپێدانە مەرجدارە و مەرجەکەش ئەوەیە، کە دەبێت کارەکان بە ئوتومبێلی کۆمپانیاکان بێت و بە ئوتومبێلی کەسی نەبێت و نابێت لە ناو ئوتومبێلەکان ژن و منداڵ هەبێت.

بۆیە هەموو لایەك ئاگاداردەکەینەوە، كە پابەندی ئەم خاڵانە بن و هەر کەسێك سەرپێچی بکات توشی سزا دەبێت.

بەڕێوەبەرایەتی هاتوچۆی هەولێر

2020/3/16

H.B