به‌ وێنه‌.. دووانه‌یه‌ك له‌ دوو ساڵی جیاواز له‌دایك ده‌بن

K24 - هه‌ولێر:

دایكێك له‌ شاری سان دیگۆی ویلایه‌تی كالیفۆرنیای ئه‌مه‌ریكا، له‌ كۆتا خووله‌كه‌كانی ساڵی 2015دا، ده‌بێته‌ خاوه‌نی دوو منداڵ و یه‌كێكیان له‌ دوایین ساته‌كانی 2015 له‌ دایك ده‌بێت و ئه‌وی دیكه‌یشیان له‌ یه‌كه‌م ساته‌كانی ساڵی 2016.

به‌ گوێره‌ی ئه‌وه‌ی ئه‌و دوو منداڵه‌ له‌ دووساڵی جیاواز له‌دایكبوونه‌، كه‌واته‌ ئاهه‌نگی رۆژی له‌ دایكبوونیشیان جیاواز ده‌بێت.

باوكی ئه‌و دوو منداڵه‌ ده‌ڵێت: "ماریبڵی هاوسه‌رم، ده‌یویست منداڵه‌كانمان یه‌ك رۆژی له‌دایكبوونییان هه‌بێت، چونكه‌ له‌ داهاتوو له‌نێوانییان ده‌بێته‌ شه‌ڕ له‌سه‌ر ئه‌وه‌ی كامیان 2015 و كامیان 2016 له‌دایكبوونه‌، بۆیه‌ ئێستا ده‌بێت دوو ئاهه‌نگی جیاوازی له‌ دایكبوونیان بۆ بگێڕێین".

دایكی منداڵه‌كانیش خۆشحاڵی خۆی بۆ له‌دایكبوونه‌كه‌ له‌و ساته‌دا ده‌ربڕی و باری ته‌ندروستی خۆی و منداڵه‌كانیشی جێگره‌.