خەیار سیستمی کارکردنی دڵ و خوێن رێكدەخات
خەیار لەش لە ژەھر پاكدەكاتەوە
K24- ھەولێر
بەگوێرەی توێژینەوەیەكی زانستیی خەیار سیستمی کارکردنی دڵ و خوێن رێكدەخات.
توێژینەوەكە ئاشکرای دەکات کە: خەیار لەشی مرۆڤ لە ژەھرە دەردراوەكان پاكدەكاتەوە، سیستمی خوێن و دڵ رێكدەخات و و یارمەتیی ھەرسكردنی خواردن دەدات.
خەیار پێكھاتەیەكی گرنگی تێدایە كە پێویستە بۆ پەنكریاس و رێكخستنی ئەنسۆلین لە لەشی مرۆڤدا، بۆ ئەو كەسانەی نەخۆشیی شەكرەیان ھەیە.
ھەروەھا ئاماژەیان بەوەداوە كە: پێکهاتەی خەیار لە 95% ئاوە و خەیار رێژەی ئاو لە لەشی مرۆڤدا رێكدەخات.
خەیار رێژەیەكی زۆری ریشاڵی تێدایە و لەگەڵ پۆتاسیۆم كە بۆ لەشی مرۆڤ پێویستن.
پسپۆرانی بواری خۆراك رێنوێنی دەدەن كەوا دەبێ مرۆڤ رۆژانە خەیار بخوات بۆ ئەوەی رێژەی ئاو لە لەشی رێكبخرێ و دەڵێن خەیار یارمەتی دەریشە بۆ دابەزاندنی كێشی لەشی مرۆڤ.
