وتەبێژی هاوپەیمانان زانیاری لەسەر مووشەکەکان ئاشکرا دەکات

K24- هەولێر:

كۆلۆنێل واین مارۆتۆ، وتەبێژی هاوپەیمانان، رایگەیاند، 14 مووشەکی 107 مللیم ئاراستەی هێزەکانی هاوپەیمانان کراون و سێ دانەیان ئامانجی پێکاوە.

لە تویتێکدا وتەبێژی هاوپەیمانان دەڵێت، بەڵێندەرێک کوژراوە (خەڵکی ئەمەریکا نییە) و هەشتی دیکەش برینداربوون، ئەندامێکی هێزەکانی ئەمەریکاش بریندارە.

ئاماژەی بەوەشکردووە، حکومەتی هەرێمی کوردستان بەدواداچوون دەکات و زانیاری زیاتر بڵاودەکرێتەوە.

ئەمەش لە کاتێکدایە، ئەمەریکا، بەریتانیا، تورکیا، هۆڵەندا و نەتەوە یەکگرتووەکان ئیدانەی هێرشەکەیان کردووە و بە پێشهاتێکی مەترسیدار ناویان بردووە.

نوێدەکرێتەوە....