داهات و فرۆشى نه‌وتى عێراق زیادى كردووه‌

K24- هه‌ولێر:

سه‌باره‌ت به‌ داهاتى نه‌وتى عێراق، كوردستان24 له‌ رێگه‌ى ئینفۆگرافیكێكه‌وه‌، كۆمه‌ڵێك زانیاری خسته‌ڕوو، تێیدا روونكراوه‌ته‌وه‌، له‌مانگى حوزه‌یران (86) ملیۆن به‌رمیل نه‌وت فرۆشراوه‌، له‌ كێڵگه‌ نه‌وتییه‌كانى كه‌ركووكیشه‌وه‌، (3) ملیۆن به‌رمیل نه‌وت هه‌نارده‌ كراوه‌.

ئاماژه‌ بۆ ئه‌وه‌شكرا، عێراق رۆژانه‌ (2) ملیۆن و (893) هه‌زار، به‌رمیل نه‌وت، كه‌ داهاتاكه‌ى (6) ملیار و (141) ملیۆن دۆلار، ده‌فرۆشێته‌ جیهان، كاتێك نرخى نه‌وت له‌ جیهان (70) دۆلار بووه‌.

له‌ ئینفۆگرافیكه‌كه‌ى كوردستان24دا هاتووه‌: بۆ مانگى نیسان، بایی (5) ملیار و (549) ملیۆن دۆلار نه‌وت فرۆشراوه‌، بۆ مانگى ئاداریش به‌ بڕى (5) ملیار و (782) ملیۆن دۆلار، نه‌وتى عێراق فرۆشراوه‌، له‌ مانگى شوباتیش بایی (5) ملیار دۆلار فرۆشراوه‌، له‌ مانگى یه‌نایه‌ر، بایی (4) ملیار و (739) ملیۆن دۆلار، نه‌وت فرۆشراوه‌، كه‌ ئه‌وه‌ ده‌رده‌خات، داهات و فرۆشى نه‌وتى عێراق زیادى كردووه‌.

ك.ب