خشتەی گەڕانەوەی حاجیانی کوردستان راگەیەندرا

K24 – هەولێر

بڕیارە لە 18ی مانگ تاکوو 24/7/2022، هەموو حاجیانی کوردستان بگەڕێنەوە و خشتەی رۆژ و کاتی حاجیانیش راگەیەندرا.

شێخ نیاز راغب نەقشبەندی، بەڕێوەبەری گشتی حەج و عومرەی هەرێمی کوردستان رایگەیاند: پرۆسەی گەڕانەوەی حاجیانی کوردستان لە 18ی مانگ دەستپێدەکات و لە 24/7 کۆتایی دێت.

بەڕێوەبەری گشتی حەج و عومرەی هەرێمی کوردستان ئاماژەی بەوەشداوە: "دوێنێ 11/7/2022، کۆتایی بە سەرجەم ئەرکەکانی حەج هاتووە و توانیمان بە شایەتی هەموو لایەک پرۆسەیەکی سەرکەوتوو بەرێوەببەین".

کاروان ستوونی، وتەبێژی بەڕێوەبەری گشتی حەج و عومرەی هەرێمی کوردستان، خشتەی گەڕانەوەی حاجیانی بڵاوکردەوە، لە خشتەکەدا ناو و رۆژی گەڕانەوەی هەموو حاجیانی کوردستان دیارکراوە.