سەرۆک بارزانی و بافڵ تاڵەبانی لە کۆبوونەوەدان

K24 – هەولێر

سەرۆک مەسعود بارزانی و بافڵ تاڵەبانی لە کۆبوونەوەدان و گفتوگۆ لەسەر چەند پرسێکی هەنوکەیی ناوخۆی هەرێمی کوردستان و عێراق دەکەن.

سەرچاوەیەکی ئاگادار بە کوردستان24ی راگەیاند: "لە کۆبوونەوەی سەرۆک بارزانی و بافڵ تاڵەبانی، گفتوگۆ لەبارەی پێکهێنانی کابینەی نوێی حکومەتی عێراق و کاندیدی پۆستی سەرۆک کۆماری عێراق دەکرێت".

کۆبوونەوەی سەرۆک بارزانی لەگەڵ بافڵ تاڵەبانی، لەکاتێکدایە بارودۆخی سیاسی عێراق بە گشتی بە قۆناغێکی هەستیاردا تێدەپەڕێت و لایەنە سیاسییەکان لەبارەی پێکهێنانی کابینەی داهاتووی حکومەتی عێراق و کاندیدانی سەرۆک وەزیران و سەرۆک کۆماری عێراق نەگەیشتوونەتە رێککەوتن.