باڵيۆزى نوێى چين سهرسامه به ئاوهدانى و پێشكهوتنى ههرێمى كوردستان
K24 - ههولێر:
نێچيرڤان بارزانى، سهرۆكى ههرێمى كوردستان، پێشوازى له سوى وى، باڵيۆزى نوێى كۆمارى چينى مللى كرد، ناوبراویش سهرسامی خۆی به ئاوهدانى و پێشكهوتنى ههرێمى كوردستان دهربڕی.
ئهمڕۆ يهكشهممه 28ـی ئابی 2022، نێچيرڤان بارزانى، سهرۆكى ههرێمى كوردستان، پێشوازى له سوى وى، باڵيۆزى نوێى كۆمارى چينى مللى و شاندێكى ياوهرى كرد.
بهگوێرهی راگهیهندراوهكهی سهرۆكایهتی ههرێمی كوردستان، نێچيرڤان بارزانى، سهرۆكى ههرێمى كوردستان، پێشوازى له سوى وى، باڵيۆزى نوێى كۆمارى چين كردوو و پیرۆزبایی دهستبهكاربوونی لێكردووه و، هيواى سهركهوتنى بۆ باڵیۆزی نوێی چین خواستووه. ههموو پشتگيرييهكى ههرێمى كوردستانىش بۆ سهركهوتنى ئهركهكهى و خواستى برهودانی پهيوهندييهكان له ههموو بوارهكاندا لهگهڵ چين دووپات كردووهتهوه، ههروهها سوپاسى ههرێمى كوردستانى بۆ چين دهربڕى كه له كاتى پهتاى كۆڤيد_19دا پێداويستيى پزيشكى پێشكهش به دامهزراوه پزيشكييهكانى ههرێمى كوردستان كرد.
لهراگهیهندراوهكهدا ئهوهش خراوهتهڕوو، باڵيۆزى نوێى چين له عێراق وێڕاى دهربڕينى سهرسامى به ئاوهدانى و پێشكهوتنى ههرێمى كوردستان و پێزانينى بۆ ڕۆڵى پێشمهرگه له شهڕى دژى داعشدا، جهختى له خواستى وڵاتهكهى بۆ بهرهوپێشبردنى پهيوهندييهكانى لهگهڵ عێراق و ههرێمى كوردستان كردهوه. ئاماژهى بهوهشداوه، كه عێراق هاوبهشێكى گرنگی بازرگانييه لهگهڵ چين، ههروهها هيواى خواست پهيوهندييهكان و ئاستى ههناردهكردن و هاوردهكردنى وڵاتهكهى لهگهڵ عێراق و ههرێمى كوردستاندا بهرز ببێتهوه.
دهقی راگهیهندراوهكهی سهرۆكایهتی ههرێمی كوردستان:
پاشنيوهڕۆى ئهمڕۆ يهكشهممه 2022/8/28 بهڕێز نێچيرڤان بارزانى، سهرۆكى ههرێمى كوردستان، پێشوازى له بهڕێز سوى وى، باڵيۆزى نوێى كۆمارى چينى مللى و شاندێكى ياوهرى كرد.
له ديدارێكدا سهرۆك نێچيرڤان بارزانى وێڕاى پيرۆزبايى بۆ دهستبهكاربوونى، هيواى سهركهوتنى بۆ خواست و ههموو پشتگيرييهكى ههرێمى كوردستانى بۆ سهركهوتنى ئهركهكهى و خواستى برهودانی پهيوهندييهكان له ههموو بوارهكاندا لهگهڵ چين دووپات كردهوه. بهڕێزيان ههروهها سوپاسى ههرێمى كوردستانى بۆ چين دهربڕى كه له كاتى پهتاى كۆڤيد_19دا پێداويستيى پزيشكى پێشكهش به دامهزراوه پزيشكييهكانى ههرێمى كوردستان كرد.
لاى خۆيهوه بهڕێز باڵيۆزى نوێى چين له عێراق وێڕاى دهربڕينى سهرسامى به ئاوهدانى و پێشكهوتنى ههرێمى كوردستان و پێزانينى بۆ ڕۆڵى پێشمهرگه له شهڕى دژى داعشدا، جهختى له خواستى وڵاتهكهى بۆ بهرهوپێشبردنى پهيوهندييهكانى لهگهڵ عێراق و ههرێمى كوردستان كردهوه و ئاماژهى بهوه دا كه عێراق هاوبهشێكى گرنگی بازرگانييه لهگهڵ چين، ههروهها هيواى خواست پهيوهندييهكان و ئاستى ههناردهكردن و هاوردهكردنى وڵاتهكهى لهگهڵ عێراق و ههرێمى كوردستاندا، بهرز ببێتهوه.
چالاكييهكانى باڵيۆزخانهى چين له بهغدا و كونسولخانهيان له ههرێمى كوردستان، دۆخى سياسيى عێراق و ههرێمى كوردستان و ناوچهكه بهگشتى و چهند پرسێكى جێى بايهخى هاوبهش، تهوهرێكى ديكهى ديدارهكه بوو كه بهڕێز كونسولى گشتيى چين ئامادهى بوو.