به‌وێنه‌: گوزه‌رانی 20 خێزانی ئاواره‌ی ئێزدی له‌ نزیك عه‌نكاوه‌

K24 – هه‌ولێر:

ئه‌م وێنانه‌ ژیانی 20 خێزانی ئێزدی نیشان ده‌دات كه‌ له‌ باڵه‌خانه‌یه‌دا له‌ نزیك شارۆچكه‌ی عه‌نكاوه‌ی سه‌ر به‌ پارێزگای هه‌ولێر ژیان به‌سه‌ر ده‌به‌ن.

ئه‌و خێزانانه‌ له‌وكاته‌وه‌ ئاواره‌ بوون كه‌ ناوچه‌كانی شه‌نگال و ده‌وروبه‌ری، پێش دوو ساڵ له‌لایه‌ن چه‌كدارانی داعشه‌وه‌ داگیركرا،و ژماره‌یه‌كی زۆر له‌ كه‌سوكار و هاوئایینه‌كانیان له‌لایه‌ن داعشه‌وه‌ كوژران و ژماره‌یه‌كی دیكه‌یان بێ سه‌ر و شوێن كران.

ژماره‌یه‌كی دیكه‌ كه‌ به‌ زیاتر له‌ (4000) كه‌س مه‌زه‌نده‌ ده‌كرێت تا ئێستا له‌ ژێر ده‌ستی چه‌كدارانی داعشدا ماونه‌ته‌وه‌.

ئه‌م خێزانانه‌ و سه‌دان و هه‌زاران خێزانی دیكه‌ی ئێزدی، سه‌ره‌ڕای هه‌موو ئه‌و نه‌هامه‌تیانه‌ی به‌سه‌ریان هاتووه‌ له‌ مێژوودا،هێشتا به‌ ئومێده‌وه‌ ده‌ژین و نه‌هامه‌تییه‌كانی ژیان چۆكی پێدانه‌داون.

فۆتۆ: ئه‌لیكساندر ئه‌فۆنسۆ