مەسرور بارزانی پێشوازی لە شاندێکی باڵای ئەمەریکا دەکات

K24 – هەولێر

کەمێک پێش ئێستا شاندێکی ئەمەریکی بە سەرۆکایەتی سێلیست واڵەندەر یاریدەدەری وەزیری بەرگری ئەمەریکا بۆ کاروباری ئاسایشی نێودەوڵەتی، لە رێگەی فڕۆکەخانەی نێودەوڵەتی هەولێر گەیشتە هەرێمی کوردستان و لەلایەن مەسرور بارزانی سەرۆکی حکومەتی هەرێمی کوردستان پێشوازیان لێکرا.

هەر ئەمڕۆ سەرۆکی حکومەتی هەرێمی کوردستان و یاریدەدەری وەزیری بەرگری ئەمەریکا بۆ کاروباری ئاسایشی نێودەوڵەتی کۆدەبنەوە و چەند پرسێکی هەنوکەیی تایبەت بە پەیوەندییەکانی نێوان هەرێمی کوردستان و ئەمەریکا و بارودۆخی عێراق و ناوچەکە تاوتوێ دەکەن.

بەگوێرەی زانیاری کوردستان24، هەر لەم چوارچێوەیەدا بڕیارە هەر ئەمڕۆ رێککەوتنێک لەنێوان هەرێمی کوردستان و ئەمەریکا بۆ هاوکارییکردنی هێزی پێشمەرگە واژۆ بکرێت.