رێژەی هەڵاوسان لە هەرێمی کوردستان بەرزدەبێتەوە

K24 – هەولێر

بەگوێرەی داتاکانی دەستەی ئاماری هەرێمی کوردستان، بەراورد بە ساڵی رابردوو رێژەی هەڵاوسان لە هەرێمی کوردستان بەرزبووەتەوە.

دەستەی ئاماری هەرێمی کوردستان نوێترین داتای رێژەی هەڵاوسانی بۆ مانگی ئابی رابردوو بڵاوکردەوە. دەستەی ئامار لە راپۆرتێکی تایبەت کە وێنەیەکی دەست کوردستان24 کەوتووە، ئاماژەی بەوەداوە، رێژەی هەڵاوسان لە مانگی ئاب بەراورد بە ساڵی بنەڕەت بۆ سەدا 12.44 بەرزبووەتەوە.

رێژەی هەڵاوسان بەراورد بە ساڵی بنەڕەت کە ساڵی 2012ـە بۆ %12.44 بەرزبووەتەوە، هەروەها بەراورد بە مانگی پێشووی خۆی بەرێژەی سەدا 0.08 بەرزبووەتەوە. لە کاتێکدا لە مانگی تەممووز سەدا 12.35 بووە.

لە داتاکاندا هاتووە، رێژەی هەڵاوسان لە خواردن و خواردنەوە ناکحولییەکان بە رێژەی سەدا 0.7 و لە کەرەستە و خزمەتگوزارییەکانیش سەدا 0.6 بەرزبوونەوەیان تۆمارکردووە.

لەسەر ئاستی پارێزگاکانیش لە هەولێر و دهۆک بە رێژەی سەدا 0.5 و 0.1 رێژەی هەڵاوسان دابەزیوە، بەڵام لە سلێمانی سەدا 0.1 بەرزبووەتەوە.

بۆ بینینی داتاکان لێرە کلیک بکە