هەڤاڵ ئەبوبەکر: بۆ کارەساتەکەی دهۆک پرسەی گشتیی لە سنوری پارێزگاکەمان رادەگەیەنین
K24 – هەولێر
پارێزگاری سلێمانی هاوخەمی خۆی بۆ قوربانیانی تەقینەوەکەی دهۆک رادەگەیەنێت و دەڵێت: بۆ کارەساتەکەی شاری دهۆکی خۆشەویست دەردەبڕین، پرسەی گشتیی لە سنوری پارێزگاکەمان رادەگەیەنین.
هەڤاڵ ئەبوبەکر پارێزگاری سلێمانی لە پەیامێکدا نووسیویەتی: "بەناوی پارێزگای سلێمانییەوە، هاوخەمیی خۆمان بۆ کارەساتەکەی ئەمشەوی شاری دهۆکی خۆشەویست دەردەبڕین، پرسەی گشتیی لە سنوری پارێزگاکەمان رادەگەیەنین، پرسە و پەژارەی خۆمان بۆ قوربانییەکان دەردەبڕین و، هیوای چاکبونەوەی خێرا بۆ بریندارەکان دەخوازین.
پارێزگاری سلێمانی دەشڵێت: "هاوکاریی و ئامادەیی پارێزگاکەمان بۆ هەر ئەرکێک دەردەبڕین و پشتیوانی بەڕێزان پارێزگاری دهۆک و هەموو دامودەزگاکان دەبین".