به وێنه: منداڵانی شاری ده‌وروبه‌ری دیمه‌شق له ژێر زه‌ویدا یاری ده‌كه‌ن
شاری یارییان له ژێر زه‌ویدا دروستكردووه
K24 – هه‌ولێر:
ژماره‌یه‌ك له چالاكوانانی سوری، شارێكی یاری بۆ منداڵان دروست ده‌كه‌ن به ناوی "زه‌وی منداڵی" تا منداڵانی سوری یاری تێدا بكه‌ن و كاتی خۆیانی تێدا به‌سه‌ر به‌رن.
شاری یارییه‌كه له شاری "عربین" ی پارێزگای ده‌وروبه‌ری دیمه‌شق له ژێر زه‌ویدا دروستكراوه، بۆ ئه‌وه‌ی لانه‌یه‌كی ئارام بێت بۆ منداڵه‌كان و له بۆردومانی فڕۆكه‌كان و ده‌نگی شه‌ڕ و ته‌قه به دووربن.
شه‌ڕ و بۆردومانی فڕۆكه‌كان ژیانی له زۆربه‌ی ناوچه‌كانی سوریا شێواندووه و ڕۆژانه ژماره‌یه‌ك ژن و منداڵ و خه‌ڵكی سڤیل، ده‌بنه قوربانی بۆردومان و بۆمبارانی فڕۆكه‌كان، هه‌ر بۆیه چاڵاكوانه‌كان، به‌م كاره‌یان ویستوویانه، كه‌شێك بۆ منداڵان دروست بكه‌ن، تا شه‌ڕ و خوێن و كوشتنیان له بیر بباته‌وه.
