کۆریای باکوور موشەکێکی بالسیتی کیشوەربڕی تاقیکردەوە
K24 - هەولێر:
بەمەبەستی بەهێزکردنی توانا ئەتۆمییەکانیان، کۆریای باکوور موشەکێکی بالسیتی کیشوەربڕی تاقیکردەوە.
تەلەفزیۆنی فەرمی کۆریای باکوور بڵاویکردەوە، موشەکێکی بالیستی کیشوەربڕیان تاقیکردووەتەوە، کە بە سوتەمەنی رەق کاردەکات و کاریگەری لەسەر بەهێزکردنی توانا ئەتۆمییەکانی پیۆنگ یانگ دەبێت.
باسی لەوەشکردووە، ئەو موشەکە سیستەمی بەرگری ستراتیژی کۆریای باکوور بەهێزدەکات و ئامادەی وەڵامدانەوەی ئەتۆمی دەکات. هەروەها هاوکاردەبێت بۆ چالاکردنی موشەکە ئەتۆمییەکانیان بە زوترین کات.
هاوکات، حکومەتی ژاپۆن داوای لە دانیشتوانی دوورگەی هۆکایتۆی دەریای ژاپۆن کردووە رێککارەکانی خۆپارێزی بگرنەبەر.
