دیمەنی ناوچەی گەشتیاری دۆڵی روم لە ئاسمانەوە
K24 -ئوردن
دۆڵی روم (وادي الرم) یەکێکە لە بیابانە پارێزراو و گەشتیارییەکانی وڵاتی ئوردن.
رووبەرەکەی 720 کم چوارگۆشەیە و بە دووری 250 کم دەکەوێتە باشووری عەمانی پایتەختەوە.
ناوچەکە چەندین دۆڵی سرووشتی سەرنجڕاکێشی تیادا دروستبووە، ئەمەش لە ئەنجامی درێژبوونەوەی پێکهاتە بەردییەکان کە لە شێوەی چیادایە و بەرزییان سەدان مەتر دەبێت.
لە دامێنی دۆڵە دروستبووەکانیش پێکهاتەیەکی فراوانی لم هەیە کە بە بەرکەوتنی تیشکی خۆر دەدرەوشێنەوە.
لە ساڵی 2011ـەوە رێکخراوی یونسکۆ (وادي الرم)ی خستووەتە ریزبەندی ناوچە پارێزراو و شوێنەواریە سرووشتییەکانی جیهانەوە.
