سەرۆک بارزانی پێشوازی لە سکرتێری گشتیی حزبی "متحدون" کرد

K24 - هەولێر

سەرۆک بارزانی پێشوازی لە سکرتێری گشتیی حزبی "متحدون" کرد. هەردوولا بارودۆخی سیاسیی عێراق و گۆڕانکارییەکانی ناوچەکەیان تاوتوێ کرد. 

ئەمڕۆ چوارشەممە 28ی شوباتی 2024، لە سەلاحەددین سەرۆک مەسعود بارزانی پێشوازی لە ئوسامە نوجەیفی، سکرتێری گشتیی حزبی "متحدون" و شاندێکی یاوەری کرد.

بە گوێرەی راگەیەندراوێکی بارەگای بارزانی، لە دیدارەکەدا بیروڕا لە بارەی پەرەسەندن و گۆڕانکارییەکانی ناوچەکە و بارودۆخی سیاسی عێراق ئاڵوگۆڕکرا.