عێراق 500 هەزار بەرمیل نەوتی بە نرخی داشکێنراو بە ئەمەریکا فرۆشتووە

عێراق 500 هەزار بەرمیل نەوتی بە نرخێکی داشکێنراو بە ئەمەریکا فرۆشتووە.

سەرچاوەیەک لە کۆمپانیای سۆمۆ بە مێدیا جیهانییەکانی ڕاگەیاندووە؛ عێراق لە 8 تا 10ی ئەم مانگە، نزیکەی 500 هەزار بەرمیل نەوتی بە نرخی داشکێنراو فرۆشتووەتە ئەمەریکا، کە هەر بەرمیلێک نەوت بە 28.3 دۆلار هەژمار کراوە.

سەرچاوەکە ئەوەی ڕوونی کردووەتەوە؛ ئەو کەشتییەی نەوتەکەی بارکردووە ناوی (ئێف ئۆ بی) بووە و نەوتەکەش هی ناوچەی گەیارە بووە.

نەوتی گیارە لە قورسترین جۆرەکانی نەوتی خاوە و بڕێکی زۆر مادەی گۆگردی تێدایە و لە پیشەسازییە جیاوازەکاندا بەکار دەهێنرێت.