ھێزی ئاسمانی ئێران: ئامانجمان ئیسرائیلە

K24 – هه‌ولێر:

فەرماندەی ھێزی ئاسمانی سوپای ئێران ئەمیر عەلی حاجیزادە لە كۆبوونەوەیەكی لەگەڵ فەرماندە و بەرپرسانی سوپای پاسداران دەڵێت: ئامانجی ئێران خاكی ئیسرائیلە.

ھەواڵدەری فارس بڵاویكردەوە، حاجی زادە بە ئاشكرا وتوویەتی تا كۆتایی ئەمساڵ رێژەی زۆری موشەكی زولفەقار دەكەوێتە بواری جێبەجێكردن.

ھاوكات وتوشیەتی: ئامانجی ئێمە خاكی ئیسرائیلە بۆیە پێویستیمان بەو موشەكانە نیە ئاستی زیاتر لە دوو ھەزار كیلۆمەتر بپێون.

لە ماوەی رابردوودا ئێران پەرەی زۆری بە موشەكەكانی داوە و ئەنجومەنی ئاسایش و وڵاتانی رۆژئاوا نیگەرانی خۆیان لە بەردەوامی چالاكی موشەكی ئێران دەربڕیوە.