داعش 15 چهكداری ئۆپۆزسیۆنی سوریا دهكوژێت
K24 – ههولێر
سوپای توركیا رایگەیاند لە ماوەی 24 كاتژمێری رابردوو 15 چەكداری سوپای سووریای ئازاد له شهڕ و پێكدادان لهگهڵ داعش كوژراون و 35 دیکەشیان برینداربوونە.
سوپای توركیا سەبارەت بە ئۆپەراسیۆنی قەڵغانی فورات رایگەیاند 63 بنكە و بارەگای چەكدارانی داعش تۆپبارانكراون و زیاتر لە 13 چەكداریش كوژراون.
سوپای تورکیا وتیشی لە ناوچەی ئەلراعی شهڕێكی سهخت لەنێوان چەكدارانی داعش و سوپای سووریای ئازاد روویدا و ئۆپەراسیۆنی كۆنتڕۆڵكردنی حەوت گوندیش بەردەوامە و لە شەڕ و پێكدادان 15 چەكداری سوپای سووریای ئازاد كوژراون و 35 دیکەشیان برینداربوونە.
لە سەرەتای ئۆپەراسیۆنی قەڵغانی فورات تا ئێستا 111 گوند كۆنترۆڵكراون و بە گشتی 960 كیلۆمەتری چوارگۆشە لە خاكی سووریا كۆنتڕۆڵكراوە.