راگەیه‌ندراوێك لە سەرۆكایەتیی هەرێمی كوردستانه‌وه‌

K24 – هه‌ولێر:

سه‌رۆكايه‌تى هه‌رێمى كوردستان له‌ راگه‌يه‌ندراوێكدا ئيدانه‌ى كرده‌وه‌ تيرۆريستييه‌كه‌ى شارى بارسێلۆناى ئيسپانياى كرد.

ده‌قى راگه‌يه‌ندراوه‌كه‌

ئێوارەی ڕۆژی پێنجشەممە 17ـی 8ـی 2017 لە ئەنجامی هێرشێكی تیرۆریستی لە شاری بارسێلۆنای ئیسپانیا 13 هاووڵاتیی گیانیان لەدەستدا و 100 كەسی دیكەیش بریندار بوون.

وێڕای ئەوەی زۆر بە توندی ئیدانەی ئەو كارە تیرۆریستییە دەكەین سەرەخۆشی لە كەسوكاری قوربانیانی ئەو كردەوە دڕندانەیە دەكەین و هیوای چاكبوونەوەی خێرایش بۆ برینداران دەخوازین.

گەلی كوردستان كە خۆی قوربانیی دەستی تیرۆرە و لە سەنگەری پێشەوەی شەڕی تیرۆرە خۆی بە هاوخەمی شاری بارسێلۆنا دەزانێت.

سەرۆكایەتیی هەرێمی كوردستان

18ـی 8ـی 2017