له كه‌ركووك حه‌شدى شه‌عبى ده‌يان منداڵى خستووه‌ته ژێر راهێنانى سه‌ربازييه‌وه
له سنوورى پارێزگاى كه‌ركووك ده‌يان منداڵيان له سه‌ربازگه‌كاندا خستووه‌ته ژێر راهێنانى سه‌ربازييه‌وه
K24 – هه‌ولێر:
ميليشياكانى حه‌شدى شه‌عبى له سنوورى پارێزگاى كه‌ركووك ده‌يان منداڵيان له سه‌ربازگه‌كاندا خستووه‌ته ژێر راهێنانى سه‌ربازييه‌وه.
به گوێره‌ى زانيارى سه‌رچاوه‌يه‌كى به‌رپرس له سنوورى كه‌ركووك، حه‌شدى شه‌عبى له گوندى به‌شيرى هه‌ڵكه‌وتوو له باشوورى كه‌ركووك، سه‌ربازگه‌يه‌كى تايبه‌ت به راهێنانى منداڵانى كردووه‌ته‌وه.
ئه‌و به‌رپرسه ئه‌وه‌شى وتووه: له ئێستادا ئه‌و سه‌ربازگه‌يه 210 منداڵى تێدايه كه ته‌مه‌نيان له سه‌رووى حه‌وت ساڵييه‌وه‌يه و هيچ كامێكيان نه‌گه‌يشتوونه‌ته ته‌مه‌نى هه‌ژده ساڵى.
ئه‌و به‌رپرسه‌ى كه‌ركووك ناوى ئاشكرا نه‌كراوه، به سايتى عه‌ره‌بى جه‌ديدى راگه‌ياندووه، له سه‌ربازگه‌كه‌دا راهێنانى كوشتن و شه‌ڕى شه‌قام به منداڵان ده‌كرێت و له‌سه‌ر به‌كارهێنانى هه‌موو جۆره چه‌كێكيش راهێنانيان پێده‌كرێت.
.jpg)
به‌شێكى ديكه‌ى سه‌ربازگه‌كه تايبه‌ته به په‌روه‌رده‌ى رووحى و له ميانه‌يدا كه‌سايه‌تييه مه‌زهه‌بييه‌كانى شيعه، وانه‌ى مه‌زهه‌بى به منداڵه‌كان ده‌ڵێنه‌وه و له‌سه‌ر گوێڕايه‌ڵى و ملكه‌چى بۆ فه‌رمانه‌كانى سه‌رووى خۆيان په‌روه‌رده‌يان ده‌كه‌ن.