بڕیاری بەغدا بۆ دەستگیركردنی كۆسرەت رەسوڵ رەتدەكرێتەوە

K24 - ھەولێر

سەندیكای پارێزەرانی كوردستان كەمپینێكی دژی بڕیاری دادگای عێراق بۆ دەستگیركردنی كۆسرەت رەسوڵ راگەیاند و لە كۆنگرەیەكی رۆژنامەوانیدا ئەوەیان خستەڕوو، ئەو بڕیارە سیاسییە و كۆسرەت رەسوڵ، یەكێكە لە تێكۆشەرانی كوردستان ناتوانن دەستگیری بكەن.

پارێزەران رایانگەیاند: "بڕیاری دادگای رەسافەی عێراق دژی كۆسرەت رەسوڵ، رەتدەكەینەوە و  كاك كۆسرەت لەوە گەورەترە كە ھیچ كەس و لایەن بتوانێت دەستگیری بكات، چونكە ئەو بڕیارانە سیاسین و دژی دەستوور و یاسان، بۆیە ئێمە وەك پارێزەر و مافپەروەرانی كوردستان دژی ئەو بڕیارانە دەوەستینەوە".

روونیی دەكەنەوە: "ئەو رێكارە سەربازی و بەناو یاساییانەی لە رێگەی پەرلەمان و دادگاكانی عێراقەوە دژی كوردستان دەیگرنەبەر بۆ شكاندنی ئیرادەیە، بەڵام گەلی كوردستان ناشكێت و بەردەوام دەبێت لە خەبات".

ئاماژەیان بۆ ئەوەكرد: "ھێرشە سەربازی و سیاسییەكان دژی خەڵكی كوردستان سەرناكەوێت، وەك پارێزەر و مافپەروەرانی كوردستان لێرەوە بە خەڵكی كوردستانی رادەگەیەنین ئێمە بەردەوام دەبین لە خەبات و تێكۆشان بۆ بە دیھێنانی مەفە رەواكانی گەلی كوردستان".

رۆژی 19/10/2017، دادگای لێكۆڵینه‌وه‌ی ره‌سافه‌، بڕیاری ده‌ستگیركردنی بۆ كۆسره‌ت ره‌سووڵ عه‌لی، جێگری یه‌كه‌می سكرتێری گشتی یه‌كێتی نیشتمانی كوردستان ده‌ركرد.