پێكه‌نینێك 9 برینداری لێكه‌وته‌وه
سه‌رنشینێك هاواری كردووه بۆمب له‌ناو فڕۆكه‌كه‌دایه
K24 - هه‌ولێر:
لە فڕۆکەخانەی سۆپادیۆ لە شاری پۆنتیاناکی ئیندۆنیسیا، فڕۆکەیەک پێش ئەوەی گەشتەکەی بەرەو شاری جاکارتا دەستپێبکات، لە لایەن سەرنشینێکیەوە کێشەی بۆ دروست دەکرێت.
بە گوێرەی هەواڵێکی ماڵپەری هەواڵی دەیلی مەیلی بەڕیتانی ، کەسێکی تەمەن ٢٦ ساڵ پێش ئەوەی فڕۆکەکە بفڕێت هاواری کردووە" بۆمب لەناوە فڕۆکەکە هەیە".
گرتە ڤیدیۆیەکە ئەو ساتەوەختە نیشان دەدات کە ١٨٩ سەرنشینی فرۆکەکە پەنجەرەی فریاکەوتنی فڕۆکەکە دەشکێنن و بەسەر باڵێکی فڕۆکەکە خۆیان فرێدەدەنه خوارەوەو بەوهۆیه‌شه‌وە ١٠ کەس بریندار بوون.
دوای ئەوەی پۆلیسی فڕۆکەخانە، فڕۆکەکە دەپشکنن، هیچ بۆمب و تەقەمەنیەک لەناو فڕۆکەکە نادۆزنەوە بەڵکو کەسی تۆمەتبار بۆ گاڵتە و پێکەنین ئەوەی گووتوە. بەهۆیەوە تۆمەتبارەکە لە لایەن پۆلیسەوە دەستگیرکراوە.
