به‌ وێنه‌.. سه‌ردانى شاندێكى هونه‌رمه‌ندانى سووريا بۆ كوردستان24 ببينه‌

K24 - ھەولێر 

ژماره‌یه‌ك ئه‌كته‌ر و هونه‌رمه‌ندی دیاری سووری، له‌ چوارچێوه‌ی سه‌ردانه‌كه‌یان بۆ هه‌رێمی كوردستان و هه‌ولێری پایته‌خت، سه‌ردانی دامه‌زراوه‌ی كوردستان 24یان كرد.

ئه‌یمه‌ن زێدان، ئه‌كته‌ری دیاری دراما سوورییه‌كان و پێشكه‌شكاری به‌رنامه‌ی "وزنك من الذهب" كه‌ پێشتر له‌ كه‌ناڵی ئێم بی سی سعوودی پێشكه‌ش ده‌كرا، خۆشحاڵی خۆی به‌ سه‌ردانه‌كه‌ی بۆ دامه‌زراوه‌ی كوردستان 24 ده‌ربڕی.

ئه‌یمه‌ن زێدان له باره‌ی سه‌ردانه‌كه‌یان رایگه‌یاند، بۆیه‌ ئه‌و كه‌ناڵه‌یان هه‌ڵبژاردووه‌، كه‌ناڵێكی به‌ناوبانگ، كاریگه‌ر و دیاره، له‌ سنوور و چوارچێوه‌یه‌كی دیاریكراوه‌ ده‌رچووه‌ و بووه‌ته‌ كه‌ناڵێكی نێوده‌وڵه‌تی، هاوكات ئاماژه‌ی به‌ گرنگیدانی كوردستان 24 كرد بۆ پرسی سووریا.

هیوای ئه‌وه‌شی خواست له‌ میدیای كوردی، گرنگییه‌كی تایبه‌ت به‌ دراما بدرێت و روونی كرده‌وه‌، له‌و رێگه‌یه‌وه‌ پرسی كورد زیاتر ده‌ناسرێت.